Оқу құралында құрылғылар мен жабдықтарды коррозиядан қорғау әдістерінің қазіргі күйіне байланысты сұрақтарға жүйелі түрде сипаттама берілген. Коррозия теориясын әртүрлi ортада, металдар мен қорытпаларда болатын өзгерістерге талдау берумен негізгі мәліметтер келтірілген, сонымен қатар коррозияға механикалық, электрхимиялық және металлургиялық факторлардың әсері туралы қазiргi заманға сай ұсыныстар және нақты мәлiметтер айтылған. Әсер ету механизмі және қорғау тәсілдері бойынша коррозиядан қорғау әдістерінің топтамасы да келтірілген. Металдар мен қорытпаларды коррозиядан қорғаудың электрхимиялық әдістері, ингибитор ендіру және түрлі қаптамалармен қорғау тәсілдері сипатталған. Оқу құралы 6М071000 – «Материалтану және жаңа материалдар технологиясы» мамандығы бойынша білім алатын магистранттарға, сонымен қатар коррозиялық бұзылыстар сұрақтары және одан қорғау тәсілдерімен шұғылданатын студенттер мен магистраннтардың қолдануына арналған.
Оқу құралында технологиялық жабдықтарды майлау негіздері, үйкеліс тораптарында пайда болатын үйкеліс түрлері, осыған байланысты машина бөлшектерінде пайда болатын ақаулар және олармен күресу жолдары, жағармай материалдарының түрлері, оларды белгілі жабдықтарға таңдау ерекшеліктері келтірілген. Сонымен қатар, механикалық жабдықтар мен агрегаттарда қолданылатын майлау жүйелері, олардың ерекшеліктері, пайдаланылған жағармайды өңдеу, тазарту, қалпына келтіру, лас заттармен күресуге арналған көмекші жабдықтар, жағармайды сақтау және өндірісте жағармай шаруашылығын ұйымдастыру, майлау жүйелерін пайдалану және жөндеу жұмыстарын ұйымдастыру, жағармайдың сапасын бақылауға арналған аспаптар келтірілген. Соңында металлургия саласында қолданылатын ірі жабдықтардың бөлшектерін майлау жүйелері берілген. Оқу құралында майлау процесінде қолданылатын материалдар мен жабдықтарды таңдаудың әдістемесі жеткілікті дәрежеде қарастырылған, студенттерге және болашақ инженер-техник мамандарға пайдалы деп есептейміз.
В учебном пособии представлены сведения о физических методах исследования материалов: ядерно-магнитный резонанс, инфракрасная спектроскопия, спектры комбинационного рассеяния, рентгенография, электронография, полярография, электронный парамагнитный резонанс, калориметрия, хроматография, электронная и оптическая микроскопия и физико-механические испытания полиграфических материалов.
Оқу құралы жоғары оқу орындарына арналған. Оқу құралында мұнай және газды өндіру кезінде қолданылатын жабдықтардың құрылымдары мен параметрлері келтірілген. Оқу құралында мынадай бөлімдер орын алған: жалпы өндіру жұмыстарына арналған жабдықтар: ашық фонтандау және газлифтпен өндіру жабдықтары; штангасыз және штангалы сорап қондырғыларының түсініктемелері; ұңғымаларды жөндеу және мұнай-газ өндіруді қарқындатуға бағытталған қабатқа әсер ету жабдықтары, сонымен бірге өндірілген мұнай-газ өнімдерін жинақтау және тасымалдау жүйелерінің жабдықтарының сипаттамалары келтірілген. Оқу құралы Қазақстан Республикасындағы мұнай және газ өндіру саласымен шұғылданатын мамандар мен колледж және жоғары оқу орындарының мұнайшы мамандықтарын қалаған студенттерге арналған.
Оқу құралында мыс металлургиясында қарқынды дамыған және өндіріске енгізілген автогенді процестердің негізгі қағидалары, салыстырмалы түрде талданған. Автогенді процестердің теориясына, соның ішінде, шлактармен металдардың жоғалуына және олардың шлактағы табылу формаларына үлкен көңіл бөлінген. Әсіресе, Қазақстанда "Қазақмыс" корпорациясында мыс сульфидті концентраттарын өңдеуде қолданылып жүрген автогенді А.В. Ванюков процесінің теориясы мен тәжірибесі терең деңгейде қарастырылған. Сонымен қатар, ЭЕМ-ның қолдануымен жүргізілетін бұл процестің материалдық және жылу балансын есептеудің жалпы әдістемесі келтірілген. Балқытуды түрлі варианттарда жүргізу кезінде, процестің материалдық және жылу баланстарының өзгеруін ескере отырып, есептеулерде қолданылатын ерекше әдістемелердің жолдары көрсетілген. Оқу құралы "5В070900-Металлургия" мамандығын тамамдаушы бакалаврлар мен магистрлерге арналған.
Оқу құралында – өндірістегі мұнай, газ және судың негізгі құрамы келтірілген. Мұнай, газ және судың өнеркәсіптік дайындау процестерінің негізгі мәліметтері, құбырлар жұмыс істеу процесінде өнеркәсіптік тасымалдау және сақтаудың теориялық негіздері келтірілген. Гидравликалық есептеулердің негізгі принциптері келтірілген. “Мұнай газ ісі” дипломды мамандарын дайындау бағыты бойынша оқытылатын жоғары оқу орындарының студенттері үшін.
В учебном пособии рассматриваются вопросы: современного состояния контейнерных грузовых перевозок; организация логистических центров, курсирования контейнерных поездов и развития контейнерных грузовых перевозок; аналитических моделей массового обслуживания в контейнерных грузовых перевозок; имитационных моделей контейнерных грузовых перевозок; автоматизированной системы и процессов информатизации управления контейнерными перевозками. Учебное пособие направлено на овладение бакалавриантами и магистрантами методов и практических навыков: по организации контейнерными грузовыми перевозками; по созданию аналитических и имитационных моделей контейнерных грузовых перевозок, автоматизированной системы и процессов информатизации управления контейнерными перевозками. Настоящее учебное пособие может быть использовано бакалавриантами при курсовом и дипломном проектировании по дисциплинам: "Организация грузовых и коммерческих работ" и "Технология грузовых перевозок", а также магистрантами и докторантами PhD по специальности 6М090100 - Организация перевозок движения и эксплуатации транспорта, представляет интерес для научно-технических работников.
Оқу құралында ХІХ ғасырдың екінші жартысында Ресей империясының Қазақстанның оңтүстік өңірінде жүргізген саяси-әкімшлік реформалары нәтижесінде өлкенің түпкілікті Ресей империясының құрамына кіруі, өлкедегі әкімшілік-саяси өзгерістер және оның халқымыздың тағдырына тигізген әлеуметтік-экономикалық зардаптары ашылған. Қазақстанның оңтүстік өңіріндегі Ресей үкіметінің басқару аппаратының қызметі, отарлық биліктің жазалаушылық әрекеттерінің күшейуі, соған қарсы жергілікті халықтың наразылығының артуы кеңінен баяндалған. Оқу құралы студенттерге және көпшілік қауымға арналған.